च्याउ खाँदा एकको मृत्यु
जाजरकोट, १३ साउन ।
स्याँक्री च्याँउ खाँदा गएराती कुशे गाउँपालिका–१ की अन्जना चलाउनेको मृत्यु भएको छ । आठ जना गम्भीर बिरामी परेका छन् । टेकबहादुर चलाउने, ललित चलाउने, कल्पना चलाउने, पशुपती चलाउने, निरुता सिंह, धन्सरा चलाउने र औसरा चलाउने गम्भीर बिरामी परेको कुशे गाउँपालिका–१ का वडाध्यक्ष गोपाल नेपालीले जानकारी दिएका छन् ।
बिरामीहरूको उद्धार गर्न हेलिकोप्टर पठाउने पहल भइरहेको प्रहरी नायव उपरीक्षक (डीएसपी) किशोर श्रेष्ठले बताएका छन् ।
