शिक्षा क्षेत्रमा २० प्रतिशत बजेट छुट्याउन इकानको माग
सुर्खेत, ३१ बैशाख ।
आगामी आर्थिक वर्ष २०७७/०७८ का लागि शिक्षा क्षेत्रमा २० प्रतिशत बजटे छुट्याउन माग गरिएको छ । एडुकेट कर्णाली नेपाल (इकानले) कर्णाली प्रदेश सरकार (सामाजिक विकास मन्त्रालय, आर्थिक मामिला तथा योजना मन्त्रालय, कर्णाली प्रदेश योजना आयोग र वीरेन्द्रनगर नगरपालिकालाई) माग पत्र बुझाउँदै शिक्षा क्षेत्रमा अनिवार्य रुपमा २० प्रतिशत बजेट छुट्याउन माग गरेको हो ।
इकानका अध्यक्ष रनवीर नेपालीकाद्वारा हस्ताक्षरित ज्ञापन पत्र तह अनुसार विद्यालयस्तरको शिक्षकको दरबन्दीको व्यवस्था, शिक्षक मिलान, गरिव तथा दलित छात्रबृद्धिको रकम बृद्धि र दिवा खाजा लगायतका १४ बुँदे माग पत्र बुझाएको छ । कर्णालीको शिक्षामा आमूल परिवर्तन ल्याउन र शैक्षिक गुणस्तर सुधार गर्न शुक्रबार पनि दिनभर पढाई हुने नीति अपनाउन इकानले माग गरेको छ । सम्भव हुने विद्यालयहरुमा इपुस्तकालयको व्यवस्था, विद्यार्थीको हरेक हप्ता स्वास्थ्य चेकजाँच, प्रत्येक विद्यालयमा छात्राहरुका लागि सेनेटरी प्याड र लैगिंकमैत्री शौचाय बनाउन समेत इकानले माग गरेको छ ।
