गाेल्डेन बुढा

जुम्ला,२९ फाल्गुन ।
सुर्खेतमा १६ वर्षीया किशोरी इनिशा विकमाथि भएको बलात्कारपछि हत्या घटनाले समाजलाई स्तब्ध बनाएको छ। नेपाल दलित मुक्ति मोर्चा जुम्लाले सोमबार जारी विज्ञप्तिमा घटनाप्रति गम्भीर ध्यानाकर्षण भएको जनाएको छ।घटनाको विवरण अनुसार, फागुन २३ गते भेरीगंगा नगरपालिका–१ बसोबास गर्ने किशोरीलाई भेरीगंगा नगरपालिका–४ स्थित शहीद पार्क नजिक जंगलमा लगेर बलात्कार गरिएको र विभत्स हत्या गरिएको थियो। पीडित परिवारले जिल्ला प्रहरी कार्यालय सुर्खेतमा सामूहिक बलात्कार र हत्या सम्बन्धी किटानी जाहेरी दर्ता गराएका थिए। जाहेरीको आधारमा प्रहरीले अनमोल गौली, विपेश ढकाल, आशिष ढकाल र गोविन्द ढकाललाई नियन्त्रणमा लिएको छ।तर मोर्चाले चेतावनी दिएका छन् कि कानुनी कारबाहीबाट दोषीलाई छुट दिन खोजिएको आशंका गरिएको छ। “बालिका र किशोरीको जीवनमाथि भएको यस विभत्स अपराधलाई कानुनी संरक्षण नदिँदा समाजमा असुरक्षा र डर बढ्छ,” मोर्चाले विज्ञप्तिमा उल्लेख गरेको छ।नेपालको कानुन बलात्कार र हत्या घटनामा दोषीलाई कडा सजाय दिने स्पष्ट प्रावधान राख्छ। तर ग्रामीण र दुर्गम भेगमा हुने यस्ता घटनामा प्रमाण संकलन, अनुसन्धान र पीडितको सुरक्षा चुनौतीपूर्ण रहन्छ। घटनास्थलको दुर्गमता, प्रहरी अनुसन्धानमा ढिलाइ, र सामाजिक दबाबले कानुनी प्रक्रिया प्रभावित हुन सक्ने मोर्चाको चेतावनी छ।

“निष्पक्ष छानबिन र कडा कारबाही बाहेक पीडितलाई न्याय दिलाउने कुनै उपाय छैन,” मोर्चाका जुम्लाका अध्यक्ष चन्द्रबहादुर नेपालीले भने।यो घटना केवल व्यक्तिगत पीडा मात्र नभई समुदायमा फैलिएको डरको प्रतिबिम्ब पनि हो। किशोरीहरूको स्वतन्त्रता, विद्यालय जान र समाजमा सहभागी हुने अधिकारमा गम्भीर खलल पुगेको छ। यस्ता घटनाले समाजमा महिला–बालिकाप्रति असुरक्षा र कानुनी असमानता झल्काउँछ।संसदीय स्तरमा बालिका–किशोरी सुरक्षा सुनिश्चित गर्न बलात्कार–हत्या घटनाको छानबिन प्रभावकारी, स्वतन्त्र र पारदर्शी हुनुपर्छ। दोषी पहिचानदेखि कडा कारबाहीसम्मको प्रक्रिया द्रुत र निष्पक्ष हुन सके मात्र समाजमा न्याय र विश्वास कायम रहन्छ।नेपाल दलित मुक्ति मोर्चा जुम्लाले सरकारसँग जोडदार माग गरेको छ कि पीडित परिवारलाई न्याय दिलाइयोस् र भविष्यमा यस्ता विभत्स अपराध रोक्न आवश्यक नीति र सुरक्षा संरचना तत्काल तयार गरियोस्।उनले भने ,