राष्ट्रिय भुमि आयोगमा थप दुई जनाले लिए सपथ
सुर्खेत, ११ चैत्र ।
राष्ट्रिय भुमि आयोग सुर्खेतमा थप दुई जना सदस्यले विहिबार सपथ ग्रहण गरेका छन् । दिलसरा थापा र फत्ते बहादुर सोतीले सपथ ग्रहण गरेका हुन् ।
भुमिहीन दलित, भुमिहीन सुकुम्मवासी तथा अव्यवस्थित बसोवासीलाई जग्गा दिलाउनका लागी सरकारले नेपालका ७७ वटै जिल्लामा कार्यालय स्थापना गरेको छ ।
सुर्खेत जिल्लाले पनि जिल्लाका ९ वटै स्थानीय तहहरुमा हाल कामहरु निरन्तर गरिरहेको छ । अहिले कार्यालय केही स्थानीय तहका वडामा काम अगाडी बढाएको जनाएको छ ।
अन्य जिल्ला भन्दा सुर्खेत जिल्लालाई नमुनाको रुपमा देखाउन थालिएको राष्ट्रिय भुमि आयोग सुर्खेतका अध्यक्ष श्रीधर पौडेले बताउनुभयो । उनले आफना कर्मचारीहरु पुर्जा बितरण गर्ने काम लागेपनि स्थानीयहरुको साथ र सहयोग निरन्तर चाहिने बताउनुभयो ।
