प्रदेश सभाको दोश्रो वार्षिकोत्सव मनाउँदै कर्णाली
सुर्खेत, १८ माघ ।
कर्णाली प्रदेश सभाले प्रदेश सभा स्थापनाको अवसरमा दोश्रो वार्षिकउत्सव मनाउने भएको छ । आगामी माघ २१ गते प्रदेश प्रमुख गोविन्द कलौनीको प्रमुख आतिथ्यता तथा मुख्यमन्त्री महेन्द्रबहादुर शाहीको विषेश आतिथ्यतामा उत्सव मनाइने संसद सचिवालयका सचिव जीवराज बुढाथोकीले जानकारी दिए । उनका अनुसार आजबाट सचिवालयका कर्मचारी र पदाधिकारीबाट मैत्रीपूर्ण व्याटमिण्टन प्रतियोगिताको आयोजना गरिएको छ ।
विभिन्न ९ वटा टिम रहेको प्रतियोगिताको उदघाटन सभामुख राजबहादुर शाहीले गरेका छन् । ‘संघीयताको मुल आधार प्रदेश संरचना हो । यसको जन्मदिनलाई विशेष बनाउनुपर्छ भन्ने हाम्रो मान्यता हो ।’ सभामुख शाहीले भने, ‘यसलाई बलियो बनाएर लिन सकिएको खण्डमा कर्णाली जस्तो विकट क्षेत्रले न्याय पाउँछ ।’
