बर्दियाबाँसगढी नगरपालिका –३ माहादेवास्थित मानखोलामा दाउरा खोज्न गएका श्रीमतीलाई खोलाले बगाएको छ भने श्रीमानको उद्धार भएको छ । बाढीले बगाएर ल्याएको दाउरा निकाल्ने क्रममा पार्वती थारुलाई बेपत्ता बनाएको छ । उनका श्रीमान जागुलाई भने घाइते अवस्थामा सशस्त्र प्रहरीले उद्धार गरेको छ ।

बाढीले बगाएको भन्ने सूचना पाएलगत्तै सशस्त्र प्रहरी बल नेपाल सुरक्षा बेस कतर्नियाबाट खटिएको १० जना र नेपाल प्रहरीको संयुक्त टोलीले उनलाई उद्धार गरेको हो ।

घाइते जागुलाई उपचारलाई मेडिकल कलेज कोहलपुर पठाइएको सशस्त्र प्रहरीका केन्द्रीय प्रवक्ता डीएसपी शैलेन्द्र थापाले जानकारी दिए ।