दैलेखका कोरोना संक्रमित एक वृद्धको सुर्खेतमा मृत्यु
सुर्खेत, २५ मंसिर ।
कर्णाली प्रदेशका कोरोना संक्रमित एक जनाको मृत्यु भएको छ । गुराँस गाउँपालिका–५ दैलेखका ८७ वर्षीय पुरुषको कर्णाली प्रदेश अस्पताल सुर्खेतमा विहीवार विहान मृत्यु भएको हो ।
कोभिड–१९ अस्पतालमा मंसिर १५ गते भर्ना गरिएका वृद्धको सोही दिन कोरोना पुष्टि भएको सामाजिक विकास मन्त्रालयले जनाएको छ । बिहीबारदेखि उनलाई इन्सुलिनबाट उपचार शुरु गरिको उनको विहीवार (आज) विहान ८ बजे मृत्यु भएको हो ।
उनको शव व्यवस्थापनका लागि जिल्ला जनस्वास्थ्य र नेपाली सेनाले समन्वय गरिरहेको छ । यो संगै कर्णालीमा कोरोना संक्रमणबाट मृत्यु हुनेको संख्या २१ पुगेको छ ।
