२०८३ मंसिर ६ गते
वीरेन्द्रनगर, सुर्खेत 16°C
कर्णाली प्रदेशको पहिलो राष्ट्रिय दैनिक निष्पक्षता, निर्भिकता, निरन्तरता

विद्यार्थीमा एचआइभीः अभिभावकले विद्यालय पठाउन छाडे बालबालिका

बाँकेको एक विद्यालयमा अध्ययनरत एक जना बालिकालाई एचआइभी संक्रमण भएको थाहा पाएपछि अभिभावकहरूले आफ्ना बालबालिकालाई विद्यालय पठाउन छाडेका छन् ।

राप्तीसोनारी गाउँपालिका–८ बालापुरस्थित जनशक्ति माध्यमिक विद्यालयमा कक्षा १ मा अध्ययन गर्ने बालिकामा एचआइभी संक्रमित भएको थाहा पाएपछि अभिभावकहरूले आफ्ना बालबालिका विद्यालय पठाउन छाडेका हुन् । पछिल्लो एक हप्तादेखि कक्षा १ मा ४÷५ जना मात्र विद्यार्थी उपस्थित हुने गरेका छन् ।

उक्त कक्षामा १७ जना बालबालिका अध्ययनरत छन् । एचआइभी सर्ने भन्दै अभिभावकले विद्यार्थी पठाउन छाडेका हुन् । विद्यालयका प्रधानाध्यापक मोहन खत्रीले पनि ती बालिका एचआइभी संक्रमित भएको थाहा पाएपछि अन्य अभिभावकहरूले आफ्ना बालबालिका विद्यालय पठाउन छाडेको बताए । ‘आफ्ना बालबालिकाहरूलाई पनि सर्छ कि भन्ने गलत बुझाई अभिभावकहरूमा पर्न गएको छ, उनले भने,‘सम्झाउने प्रयास गरिरहेका छौँ । बिस्तारै अभिभावकहरूले बुझ्नुहोला ।’ उनले शुक्रवार अभिभावक भेला समेत बोलाइएको बताए ।

विद्यालय व्यवस्थापन समितिका अध्यक्ष मोहन गौतमले पनि कक्षा १ मा अध्ययनरत बालिकामा एचआइभी संक्रमित भएको थाहा पाएपछि अभिभावकहरूमा त्रास फैलिएको बताए । ‘एचआइभी सङ्क्रमितसँगै बस्दा, सँगै खाँदा र खेल्दा नसर्ने भए पनि अभिभावकहरूमा चेतनाको अभावका कारण गलत बुझाई देखिएको छ, उनले भने । बुवा र आमा दुवै एचआइभी संक्रमित हुँदा चार वर्षीया ती बालिकालाई पनि संक्रमण पुष्टि भएको थियो ।

विद्यार्थीमा एचआइभीः अभिभावकले विद्यालय पठाउन छाडे बालबालिका

भाद्र ४ गते कर्णालीमा सार्वजनिक बिदा

विद्यार्थीमा एचआइभीः अभिभावकले विद्यालय पठाउन छाडे बालबालिका

सात वर्षदेखि थन्कियो एक्सरे मेसिन