काठमाडौं उपत्यकाका नदीमा पानीको सतह बढ्दो, सतर्कता अपनाउन अपिल
काठमाडौं, १० असार ।
काठमाडौं उपत्यकामा भारी वर्षा भइरहेको छ । जल तथा मौसम विज्ञान विभागका अनुसार उपत्यकाका तीनै जिल्लामा भारी वर्षा भइरहेको हो । भारी वर्षा भएसँगै काठमाडौं उपत्यकाका नदीहरूमा पानीको सतह बढेको छ। गए रातिदेखिको वर्षाका कारण नदीमा पानीको सतह बढेको छ ।
विभागका अनुसार बागमती, विष्णुमती, रूद्रमति, हनुमन्ते, मनोहरामा पानीको सतह बढिरहेको छ । यी नदी किनारको बाटो भई यात्रा गर्दा उच्च सतर्कता अपनाउनसमेत विभागले आग्रह गरेको छ । काठमाडौंमा गएराति देखिनै वर्षा भइरहेको छ । पछिल्लो चार घण्टामा काठमाडौं उपत्यकाका धेरै स्थानमा भारी वर्षा मापन गरिएको जल तथा मौसम विज्ञान विभागले जनाएको छ ।
हाल देशको प्रदेश १, मधेश प्रदेश, वाग्मती प्रदेश र गण्डकी प्रदेशमा मनसुनी वायुको सामान्य प्रभाव रहेको छ भने पश्चिमी भू–भागमा स्थानीय वायु र पश्चिमी वायुको सामान्य प्रभाव रहेको छ । साथै भारतको उत्तर प्रदेश र आसपासमा रहेको न्यून चापीय प्रणालीको समेत नेपालमा प्रभाव रहेको महाशाखाले जनाएको छ ।
स्रोत : सेतोपाटी
