त्रिकोणात्मक सिरिज विश्वका १ सय ४१ देशमा प्रत्यक्ष प्रशारण हुने
शनिबारदेखि सुरु हुने त्रिदेशीय टी २० क्रिकेट प्रतियोगिता विश्वका एक सय ४१ देशमा प्रत्यक्ष प्रशारण हुने भएको छ ।
नेपाल मलेसिया र नेदरल्याण्ड्स सम्मिलित सिरिजलाई विभिन्न देशमा प्रत्यक्ष प्रशारणको अधिकार बिक्री गरिएको छ । जसमा सबै महादेशमा यो सिरिजको प्रत्यक्ष प्रशारण गरिने भएको छ ।
कोभिडका कारण आइसिसी विश्वकप क्रिकेट लिग टु स्थगित भएपछि क्यानले नेपाल, मलेसिया र नेदरल्याण्ड्ससम्मिलित टी-२० सिरिजको आयोजना गर्न लागेको हो। प्रतियोगिताका लागि मलेसिया र नेदरल्याण्ड्सको टोली काठमाडौं आएर पिसिआर परीक्षण गरेका छन्। उनीहरूको रिपोर्ट आज आउनेछ ।
प्रतियोगिताको व्यवस्थापनका जिम्मा एक निजी कम्पनीले गर्दैछ। उसैले खेलाडीको व्यवस्थापनका साथै प्रतियोगिताको व्यवस्थापन गर्नेछ। यस्तै खेलाडीलाई जनही दिनको पाँच हजार रुपैयाँ भत्ता दिने सहमती भएको छ ।
हिमालय टेलिभजनले प्रत्यक्ष प्रशारणको अनुमति पाएको छ । प्रतियोगिताको उद्घाटन खेलमा शनिबार त्रिवि क्रिकेट मैदानमा नेपाल र नेदरल्याण्ड्सबीच खेल हुनेछ।
This is going to be the biggest reach in Nepali Sports history. Bajaj Pulsar Tri Nation Series Strenghth Partner Shivam Cement will be broadcasted in 141 countries worldwide. pic.twitter.com/YyoskPLSsb
— CAN (@CricketNep) April 14, 2021
