सुर्खेत, ३ फागुन ।
अमेरिकी सहयोग परियोजना (एमसीसी) को विरोधमा भोली नेपाल बन्द हुने भएको छ । विभिन्न ६ दलीय मोर्चाले एमसीसीको विरोधमा बुधबार नेपाल बन्द गर्ने भएका हुन् ।

नेपाल कम्युनिष्ट पार्टी, नेकपा (क्रान्तिकारी माओवादी), देशभक्त गणतान्त्रिक मोर्चा, नेपाल, नेकपा, वैज्ञानिक समाजवादी कम्यूनिष्ट पार्टी नेपाल र नेकपा माओवादी केन्द्र समाजवादी सहित पाँच वटा राजनीतिक दल र एक मोर्चाले बन्द आह्वान गरेका हुन् ।

राष्ट्रघाती एमसीसी सम्झौता अनुमोदनको तयारी भइरहेको बेला यसको विरोधमा बन्द आह्वान गरिएको नेता सीपी गजुरेलले बताउनुभयो । मोहन बैद्य निकट नेकपा क्रान्तकारी माओवादी सुर्खेतका नेता चक्रपाणी शर्माले सामाजिक सञ्जाल फेसबुकमा स्टाटस लेख्दै फागुन ४ गतेको नेपाल बन्दलाई सफल पार्न आव्हान गर्नुभएको छ ।

उहाँ लेख्नुहुन्छ ‘एमसीसीका विरुद्ध भोली फागुन ४ गते, नेपाल कम्युनिस्ट पार्टी क्रान्तिकारी माओवादी लगायत ५ पार्टी र १ मोर्चाको नेपाल बन्द हुदैछ, सम्पूर्ण कर्णालीवासी र कर्णाली प्रदेश राजधानी वीरेन्द्रनगर सुर्खेतमा रहनुहुने तपाईं तमाम प्रगतिशिल देशभक्त, राष्ट्रवादी शक्ति, नागरिक समाज, बुद्धिजीवी, पत्रकार, सुरक्षाकर्मी, व्यापारी, किसान, मजदुर, महिला, विद्यार्थी, युवा तथा तमाम नेपाली दाजुभाई र दिदी बहिनीहरुमा बन्द सफल पार्न सकारात्मक सहयोग गरिदिनहुन अनुरोध छ साथै आज साँझ देशब्यापी मसाल जुलुस हुने हँुदा वीरेन्द्रनगरमा पनि आफ्नो उपस्थिति जनाउनहुन प्रगतिशिल राष्ट्रवादी शक्तिहरुलाई आग्रह छ ।’ नेकपा क्रान्तिकारी माओवादी, कर्णाली प्रदेश, सुर्खेत