काली बहादुर परियार

जुम्ला ,२५ फाल्गुन ।

जुम्ला बाट प्रतिनिधिसभा सदस्य निर्वाचनमा प्रत्यक्षतर्फ जित निकालेको राष्ट्रिय प्रजातन्त्र पार्टी (राप्रपा )ले जुम्लामा समानुपातिक तर्फ राम्रो मत ल्याउन सकेन ।

निर्वाचन कार्यालयले सोमबार सार्वजनिक गरेको अन्तिम परिणाम अनुसार राप्रपा जिल्लामा तेर्स्राे स्थान ल्याउने दल बनेको हो हाे । निर्वाचन परिणाम अनुसार राप्रला समानुपातिक तर्फ ६ हजार ५ सय ५२ मत प्राप्त गरेको छ ।

यस्तै जुम्लामा समानुपातिकतर्फ सबै भन्दा बढी नेपाली कम्युनिस्ट पार्टीले १० हजार २ सय २ मत ल्याइ पहिलाे भएको छ । यस्तै नेपाली कांग्रेसले ९ हजार तीन सय ६० मत प्राप्त गरेको छ। नेकपा एमालेले ६ हजार ३९ मत प्राप्त गरेकाे निर्वाचन कार्यालय जुम्लाले जनाएको छ ।

राष्ट्रिय स्वतन्त्र पार्टी ( रास्वपा ) ले समानुपातिक तर्फ ५ हजार १ सय १८ मत ल्यायाे भने प्रतक्ष तर्फ ४ सय २१ मत ल्याएकाे थियाे । यस्तै नेपाल मजदुर किसान पार्टीले १ हजार ४ सय १९, प्रगतिशील लाेकतान्त्री पार्टीले २ सय ५७, नेपाल कम्युनिस्ट पार्टी ( माओवादी ) ले २ सय ८ मत प्राप्त गरेकाे छ।

जिल्लामा समानुपातिकतर्फ कुल ४१ हजार ४ सय ५१ मत खसेको थियो । त्यस मध्ये ४० हजार १ सय १९ मत सदर भएका छन् भने १ हजार ३ सय ३२ मत बदर भएको निर्वाचन परिणामले देखाएको छ।

जुम्लामा यस अघि सार्वजनिक भएको प्रत्यक्षतर्फको नतिजामा राष्ट्रिय प्रजातन्त्र पार्टी ( राप्रपा ) ले जुम्लामा ऐतिहासिक सफलता हासिल गरेको थियो । राप्रका उम्मेदवार ज्ञानेन्द्र शाहीले १४ हजार ८ सय १६ मतसहित विजयी भएका थिए।