सल्यानको बनगाड कुपिण्डे नगरपालिका वडा नं ११ घरेलिमा आग लागि पिडित राम सिं विकको परिवारलाइ नेपाली कांग्रेसले राहत हस्तान्तरण गरेको छ ।बनगाड कुपिण्डे नगरपालिका कार्या समितिको आर्थिक सहयोगमा उक्त राहत सामग्री आज पिडित परिवारलाई वितरण गरिएको छ ।

राम सिंह विकको मंसिर २१ गते घरमा आगो लाग्दा घर सहित सम्पूर्ण जयाजेथा जलेर नष्ट भएको थियोे । उनको केही नगद रकम समेत जलेको थियोे ।
उक्त परिवारलाई आज कर्णाली प्रदेश सभा सदस्य तथा सल्यान क्षेत्र नं ख का माननीय सुरेशकुमार अधिकारी,नगर उप प्रमुख तथा बनगाड कुपिण्डे नगर सभापति पुरुषोत्तम आचार्य,स्थानीय नेताहरु दुर्गा खड्का,शनत कुमार शर्मा लगाएतका नेताहरुको उपस्थिति रहेको दिवाकर रावतले जानकारी दिएका छन् ।

घर निर्माणकार्यको लागि चाहिने जस्ता पाता र सिमेन्ट सामग्री पिडित परिवारलाई हस्तान्तरण गरिएको जनाएको छ ।