आधिकारीक निणर्य पर्खदै एमयूका विद्यार्थी
सुर्खेत । मध्यपश्चिम विश्वविद्यालय (एमयू)मा आन्दोलनरत विद्यार्थीसँग वार्ता समितिले सम्बन्धनका विषयमा निणर्य गरेको छ । बुधबार साँझ भएको वार्तामा सम्बन्धन सम्वन्धी प्रक्रिया रद्द गर्ने निणर्य गरिएको छ । बुधबार साँझ भएको निणर्य वमोजिम मध्यपश्चिम विश्वविद्यालयले हालसम्म पनि आफ्नो आधिकारिक निणर्य भने सार्वजनिक गरिसकेको छैन ।
वार्ता समितिसँग भएको निणर्यमा सम्बन्धन रद्द गरी सरोकारवालाहरुको राय लिई प्राप्त रायका आधारमा मात्र आवश्यक निणर्य गर्ने सहमति भएको जनाइएको छ । बुधबार भएको वार्तामा विश्वविद्यालयका रजिष्ट्रार प्रा.डा. नारायणप्रसाद पौडल, प्रा.डा. दीपबहादुर रावल, प्रा.डा. विमलकुमार लाल कणर्, प्रा.डा. लिलाधर तिवारी, प्रा.डा. सुदीप ठकुरी, प्रा.डा. चन्द्रप्रसाद रिजाल, सहप्रध्यापक वीरबहादुर पौडेल र उपप्रध्यापक जसवीर रोका थिए ।
विद्यार्थी संगठनकातर्फबाट नेपाल विद्यार्थी संघका राजन केसी, अनेरास्ववियुका निकुञ्ज पाण्डे, अखिल क्रान्तिकारी (विप्लव)का कमल शाही, अनेरास्ववियूका उमेश तिवारी र अखिलक्रान्तीकारीका जगत शाही लगायत सहभागी थिए । वार्ता टोलीसँग सहमति गरेपनि बिहिवार साँझसम्म विद्यार्थीहरुले आन्दोलनको कार्यक्रम स्थगित गरेका भने छैनन् । अनेरास्ववियुका निकुञ्ज पाण्डेले भने, ‘यसअघि वार्ता टोलीले हामीसँग वार्ता गर्ने उता उपकुलपतिले वार्ता टोली नै विघठन गरेर झुक्काएका थिए । अव पनि त्यसै हुने हो कि भनेर आधिकारिक पत्र नआएसम्म हामीले आन्दोलनका कार्यक्रम फिर्ता लिएका छैनौँ ।’
