भेरीगंगामा करेन्ट लागेर एक जना घाईते
सुर्खेत,३० पाैष ।
भेरीगंगामा करेन्ट लागेर एक जना घाईते भएका छन् । भेरीगंगा नगरपालिका वडा नम्बर ९ सानोजात्रीका २६ वर्षीय धन बहादुर बोहोरालाई शुक्रवार अन्दाजी पौने १० बजेको समयमा करेन्ट लागेको हो । जहरे बजारबाट आफ्नो घर तर्फ जाँदै गर्दा बोहोरालाई बिजुलीको पोलमा रहेको ट्रान्समिटरको तारबाट करेन्ट लागेको कर्णाली प्रदेश प्रहरी कार्यालय सुर्खेतले जनाएको छ ।
घाईते भएका बोहोरालाई मेहेलकुना अस्पतालमा सामान्य उपचार पछि थप उपचारको लागि प्रदेश अस्पताल कालागाउँ पठाईएको प्रहरीले जनाएको छ । उनको छाती तथा शरीरको विभिन्न भागमा चोट लागेको र अवस्था मध्यम रहेको जिल्ला प्रहरी कार्यालय सुर्खेतले जनाएको छ ।
