कर्णालीलाई १० विकेटले पाखा लगाउँदै बागमती प्रदेशमा जारी प्रधानमन्त्री महिला कप टी–२० क्रिकेटको प्ले अफमा पुगेको छ ।

मूलपानी मैदानमा कर्णालीले दिएको ४३ रनको सामान्य लक्ष्य बागमतीले चार ओभरमा विना कुनै क्षति पूरा गर्यो । बागमतीका लागि ओपनरद्धय यसु पाण्डेले २४ तथा हेलिसा गुरुङले अविजित १३ रन जोडिन् । यो जितसँगै बागमतीले ६ खेलबाट आठ अंकसहित प्लेअफमा स्थान बनाउँदै ६ खेलमा नै पराजित कर्णाली जितविहीन बनेको छ ।

यसअघि टस जितेर सुरुवातमा ब्याटिङ गरेको कर्णाली १३÷४ ओभरमा ४२ रनमा अलआउट भएपछि बागमतीले सामान्य लक्ष्य पाएको हो । कर्णालीका लागि श्रुति बुढाले १२ र विना थापाले १२ रन जोड्नुबाहेक अन्य कुनैपनि खेलाडीले दोहोरो अंकमा रन जोड्न सकेनन् ।

बलिङतर्फ बागमतीकी खुशी डंगोलले चार विकेट लिँदा संस्कृति फुयालले दुई विकेट लिइन् । आठ टोली सहभागी प्रतियोगिता शीर्ष चार टोली प्लेअफमा पुग्नेछन् । शीर्ष दुई टोलीले सोझै क्वालिफायर खेल्न पाउनेछन् । क्वालिफायरमा पराजित हुने टोलीले अर्को फाइनल खेल्ने अवसर पाउनेछ ।