काली बहादुर परियार
जुम्ला ,२१ फाल्गुन ।

जुम्लामा दिउसो ३ बजे सम्म ३५ हजार ९ सय ८८ मत खसेको छ। जसमा महिला मतदाता तर्फ १८ हजार ४ सय २० र १७ हजार ५ सय ६८ पुरुष गरि ३५ हजार ९ सय ८८ मत खसेकाे मुख्य निर्वाचन अधिकृतकाे कार्यालय जुम्लाले जनाएको छ । यो जिल्लाको कूल मतदाताको ५०.१७ प्रतिशत मत हाे ।

जिल्लामा ७१ हजार ७ सय ३९ मतदाता रहेका छन् । जिल्लामा शान्तिपूर्ण रूपले  मतदान भइरहेको छ । प्रतिनिधि सभाका लागि एक निर्वाचन क्षेत्र रहेको जुम्लामा १ स्वतन्त्र सहित १० जना चुनावी मैदानमा रहेका छन् ।