बाँके राष्ट्रिय निकुञ्ज प्रभावित क्षेत्रमा मतदान बहिष्कार : दाङका दुई केन्द्रमा मतदान सुरु हुन सकेन
दाङ ,२१ फाल्गुन ।
दाङका २ वटा मतदानस्थलमा अझै शुरू हुन सकेकाे छैन् । उक्त स्थानका मतदाताहरुले निर्वाचन बहिष्कार गरेका छन् ।
देशभर आम नागरिक उत्साहपूर्वक मतदानमा सहभागी भइरहँदा दाङका दुई मतदानस्थलमा कुनै उत्साह देखिएको छैन ।
बाँके राष्ट्रिय निकुञ्जका प्रभावित क्षेत्र बबई गाउँपालिका वडा नम्बर १ र ७ का दुई केन्द्रमा स्थानीयले सामूहिक रूपमा निर्वाचन बहिष्कार गरेका छन् ।
जसका कारण बबई गाउँपालिका वडा नम्बर १ स्थित ‘जिल्ला’ मतदान स्थल र वडा नम्बर ७ स्थित ‘मलई’ मतदान स्थलमा मतदान शुरू हुन नसकेको हो ।
बाँके राष्ट्रिय निकुञ्ज प्रभावित क्षेत्रमा रहेका यी दुई केन्द्रमध्ये जिल्ला मतदानस्थलमा ६८२ जना र मलई मतदानस्थलमा ५३२ जना गरी कुल १ हजार २१४ मतदाता रहेका छन् ।
तर बहिष्कारका कारण कोही पनि मतदानमा सहभागी भएका छैनन् ।
