गाेल्डेन बुढा

जुम्ला,२७ साउन।

गत साउन २० गते भारतको उत्तराखण्डको उत्तरकाशी जिल्लाको धराली क्षेत्रमा गएको बाढीमा परेर जुम्लाका एक जना सम्पर्कविहीन छन् । दुईजना गम्भीर घाइते अवस्थामा छन् ।जुम्लाको तिला गाउँपालिका-३ का ४४ वर्षीय जनबहादुर शाही सम्पर्कविहीन भएका हुन् । उनको खोजी कार्यमा सहयोग गर्न परिवारले गुहार गरेको छ। बाढी गएको एक साता बित्दा पनि उनको अहिलेसम्म अत्तोपत्तो छैन ।हप्तौंसम्म परिवारको सम्पर्कविहिन भएपछि परिवार चिन्तित छन् । अघिपछि सम्पर्क भइरहने शाहीसँग एकाएक सम्पर्क विच्छेद भएपछि परिवारले खोज तथा उद्धारमा आवश्यक सहयोग गर्न माग गरेको छ ।

बेपत्ता भएका शाही धरालीमा होटल चलाइरहेका थिए।यता जुम्लाको तिला गाउँपालिका- ३ को वडा कार्यालयले हराइरहेका शाहीको खोजी कार्यका लागि जिल्ला प्रशासन कार्यालयमा अनुरोध पत्र पठाएको छ । पत्रमा साउन २० देखि उनी हराइरहेको उल्लेख छ।तिला गाउँपालिका- ५ का वडाध्यक्ष ललितबहादुर शाहीले धराली पहिरोमा परि २ जना घाइते भएको जानकारी प्राप्त भएको बताए। उनले तिला गाउँपालिका ५ का वीरेन्द्रबहादुर शाही र यज्ञ विक्रम शाही घाइते अवस्थामा छन् ।

वीरेन्द्रबहादुरको देरादुन एनसी अस्पतालमा र यज्ञको देरादुन भारतीय सैनिक व्यारेकमा उपचार भइरहेको छ ।वडाध्यक्ष ललितबहादुर शाहीले भने, ‘वीरेन्द्रबहादुरको टाउको फुटेर गम्भीर चोट लाग्नुको साथै दायाँ हात दुई ठाउँमा भाँचिएको छ । यज्ञको पनि शरीरका धेरै ठाउँमा चोटपटक लागेको खवर प्राप्त भएको छ ।’