जाजरकोटमा केन्द्र बनाएर आएको भूकम्पले जुम्लामा पाँच जना सामान्य घाइते भएका छन् ।

स्थानीय प्रशासनको प्रारम्भिक जानकारी अनुसार तातोपानी गाउँपालिका–३, बाहुनवाडा निवासी २६ कि सिर्ज ना गौतमको हातमा सामान्य चोट र निजको छोरा बर्ष ११ महिनाको आयुष गौतमको आँखामा चोट लागेको छ ।

प्रमुख जिल्ला अधिकारी जयकुमार घिमिरेका अनुसार तातोपानी गाउँपालिका–३ निवासी १४ वर्षिय निराजन उपाध्यायको हातमा चोट लागेको, तिला गाउँपालिका–३ दानीवाडा, निवासी ११ वर्षिय सपना थापा सामान्य घाइते र तातोपानी गाउँपालिका–४ हरि बहादुर खत्रीको सुतेको बेला घरको पर्खाल खस्दा उनी भाग्ने क्रममा खुट्टामा चोट लागेको छ ।

स्थानीय प्रशासनका अनुसार तिला गाउँपालिका वडा न ३, ५ र ९ स्थित केही घर तथा बिद्यालयका भवनहरु चर्केको र चन्दननाथ नगरपालिका–८ निवासी ४६ वर्षिय को बिष्णु महतको तीन तले टिनले छाएको घरको एउटा कोठा भत्किएको र अरु कोठा चर्किएको छ ।

घाइतेहरुको उपचार सामान्य भएको हुदा घरमै प्रथामिक उपचार गरिएको र १३ महिनाको आयुस गौतमकोे स्वास्थ्य चौकीमा उपचार भैरहेको उनले जानकारी दिए । यसैगरी जिल्लाका गाउँ गाउँबाट भुकम्पले घरहरु चर्किएका खबरहरु आएका छन् । जिल्लाको हिमा गाउँपालिका– १ बड्की गाउँमा धिरबहादुर शाही, पदमबहादुर शाही, राजबहादुर शाहीको घर चर्किएको स्थानीय रुगुविना शाहीले बताइन् ।

जुम्ला जिल्लाको अवस्था मानवीय क्षेति तथा कुनै ठूलो भौतिक क्षेति नभएको जिल्ला प्रहरी कार्यालयका प्रहरी प्रमुख प्रहरी नायव उपरीक्षक प्रल्हाद कार्कीले बताए । उनले भने, ‘एकिन तथ्यांकका लागि प्रहरी परिचालित गरिएको छ । गएराति ११ वजेर ४८ मा जाजरकोट केन्द्रविन्दु बनाएको ६.४ म्याग्निच्यूटको भुकम्पले जुम्लामा पनि धेरै हल्लाएपछि रातभर केही मानिसहरु सड्कमा आगोवालेर जागराम पनि गरेका थिए ।’