प्रचण्ड खत्री
रुकुम पश्चिम, २ भदौं ।
रुकुम पश्चिमको २ वटा स्थानीय तहमा आत्महत्या गर्नेको संख्या बढेको छ । जिल्लाको बाँफिकोट गाउँपालिका र मुसिकोट गाउँपालिकामा गरी ७ जनाले आत्महत्या गरेका छन् । बाँफिकोट गाउँपालिका ५ जना र मुसिकोट नगरपालिकामा २ जना गरी ७ जनाले आत्महत्या गरेको जिल्ला प्रहरी कार्यालय रुकुम पश्चिमले जनाएको छ ।

साउन महिनाको १२ गत्ते बाँफिकोट गाउँपालिका ४ का १२ बर्षिय टेकु बिक र बाँफिकोट गाउँपालिका वडा नं. २ कि २८ बर्षिय सपना परियारले आत्महत्या गरेकी थिईन । त्यसको २४ घण्टा नबित्दै बाँफिकोट गाउँपालिका ३ का २० बर्षिय धन बहादुर बिक, साउन २२ गत्ते बाँफिकोट गाउँपालिका वडा नं. ४ कि ११ बर्षिय खिम कुमारी पुन, बाँफिकोट ४ का ५२ बर्षिय नन्दराम नेपालीले आत्महत्या छन् ।

त्यस्तै मुसिकोट नगरपालिका वडा नं. १२ का डिल्ली बहादुर नेपाली, मुसिकोट नगरपालिका वडा नं. २ का २८ बर्षिय भुपेन्द्र खड्काले आत्महत्या गरेको जिल्ला प्रहरी कार्यालय रुकुम पश्चिमका प्रहरी प्रमुख तथा प्रहरी उपरीक्षक ठगबहादुर केसीले जानकारी दिए । कोरोना भाईरसका कारण सिर्जना भएका साथीभाईसंग भेटघाट, घुमफिर र मनमा लागेका कुरा एकअर्कालाई भन्न नपाएपछी र एक्लो पनको दिक्दार हँुदा आत्महत्या हो कि भनेर अनुमान गरिएको प्रहरी प्रमुख केसीले बताए ।

आत्महत्या गरेको बालबालिकाको कापी, डायरीमा माया प्रेमसबन्धि सायरी र गजल, बिभिन्न चलचित्रकाका नाटक भेटिएको बताएको छ । आत्महत्या सम्बन्धि सामाजिक सञ्जाल फेसबुक, युटुब, देखेको र अरुको मुखबाट सुनेको, बिभिन्न पत्रिकामा पढेको कुराहरुले समेत आत्महत्याका लागि समेत दुरुत्साहन गरेको पाएको प्रहरी उपरीक्षक केसीले बताए । पारिबारिक कलह, समुदायमा लागेका बिभिन्न आरोपका कारणले पनि बालबालिकाले आत्महत्या गरेको प्रहरीको भनाई छ ।