सुर्खेतको पञ्चपुरीमा एक युवक मृत अवस्थामा फेला परेका छन् । पञ्चपुरी नगरपालिका–६ को कुवापानीमा सोही ठाउँ बस्ने वर्ष १८ का भरत वुढा मृत अवस्थामा फेला परेका हुन् ।
सोमवार राति १ बजेको समयमा बुढा घरभन्दा केही मिटर टाढा मृत अवस्थामा फेला परेको जिल्ला प्रहरी कार्यालय सुर्खेतका प्रहरी निरीक्षक कुष्णबहादुर खड्काले जानकारी दिए ।
बुढाको शरीरमा चोटपटक लागेको देखिएको छ । घटनास्थलमा जिल्ला प्रहरी कार्यालय सुर्खेतबाट प्रहरी उपरीक्षक योगेन्द्रसिँह थापाको टोली र कोहलपुरबाट तालिम प्राप्त कुकुर सहितको अनुसन्धान टोली खटिएको छ ।
घटना शंकास्पद रहेको निरीक्षक खड्काको भनाई छ ।
युग संवाददाता । सुर्खेत । २ माघ २०८०, मंगलवार १५:२७