गुर्भाकोटमा संचालित निशुल्क महिला स्वास्थ्य शिविरमा २८३४ जनाले सेवा लिए

दिलिप ढकाल ‘

सुर्खेत १२ फागुन ।

पुर्बी सुर्खेतको गुर्भाकोट नगरपालिकामा संचालित निःशुल्क महिला स्वास्थ्य शिविर तथा महिला स्वास्थ्य जनचेतनामुलक क्यान्सर स्क्रीनिङ शिविर सम्पन्न भएको छ।

गुर्भाकोट नगरपालिका र सशस्त्र प्रहरी बल, नेपालको संयुक्त आयोजनामा २०७९ फाल्गुन ७ गते सुरु भएर फागुन ११ गते सम्पन्न भएको उक्त शिविरमा २८३४ जनाले सेवा लिएको गुर्भाकोट नगरपालिकाका निमित्त प्रमुख प्रशासकीय अधिकृत महेस कुमार पुरीले जानकारी दिए ।

सेवा लिएका मध्ये ५४५ जनाको नमुना संकलन गरिएको थियो भने २०३६ जनाको क्यान्सर भए नभएको चेकजाच गरिएको थियो। त्यस्तै ५० जनाको पाठेघरमा रिङ्ग राखिएको छ भने ८५ जना महिलाको पाठेघर खसेको समस्याको जाच गरिएको राम्री काँडा स्वास्थ्य केन्द्र प्रमुख दिपेन्द्र खत्रीले बताए ।

गुर्भाकोट नगरपालिका का १४ वडा र भेरीगंगा नगरपालिकाको साविक मैनतडाका महिलाहरुलाई निशूल्क स्वास्थ्य सेवा दिने गरि शिविर सुरु गरिएको थियो।

फागुन ७ देखि ११ सम्म संचालन हुने शिविरमा फागुन ७ देखि १० सम्म अन्तर्गत गुर्भाकोट नगरपालिका र फागुन ११ गते भेरीगंगा नगरपालिकाका वडा नम्बर ६,७,८ र ९ वडाका महिलाहरुका लागि गुर्भाकोट मेहेलकुना सिटिहलमा शिविर संचालन भएको थियो।

गुर्भाकोट नगरपालिका ८ खैरेनी सिटि हलमा हरेक दिन बिहान ९ बजे देखि निःशुल्क महिला स्वास्थ्य शिविर तथा महिला स्वास्थ्य जन–चेतनामुलक क्यान्सर स्क्रीनिङ कार्यक्रम सुरु भएको थियो।

तपाईको प्रतिक्रिया