प्रचण्ड खत्री ।

 रुकुम पश्चिम, १६ पाैष  ।

रुकुम पश्चिमको आठबीसकोट नगरपालिका वडा नम्बर १० का एक युवकको अमेरिका जाने क्रममा निधन भएको छ । अवैध रुपमा अमेरिका छिर्न लागेका आठबीसकोट १० भयाउनेका २० वर्षिय मदन शाहीको पानामाको जंगलमा मृत्यु भएको हो ।

शाहीको गत मंसिर २५ गते नै मृत्यु भएको थियो । खोला तर्ने क्रममा भाइको बगेर मृत्यु भएकाे  ढिलो गरी जानकारी आएको मदनका साइला दाइ कपिल शाहीले जानकारी दिए । खोला तर्नका लागि खोलामा राखिएको डोरी चुँडेर भाइ खोलामा बगेको र मृत्यु भएको जानकारी बिहिबार मात्र पाएको मदनका दाईको भनाई छ ।

भाइको टोलीमा कोही पनि नेपाली नभएका कारण मृत्युको जानकारी आउन समय लागेको बताए । उनका अनुसार भाइसंग गएका अन्य व्यक्तिलाई ब्राजिलबाट फर्काएको र अन्य देशका टोलीसंग मदन मात्र गएका थिए ।

मदन ५ भाइ मध्यका काइला हुन। उहाँ गत फागुन १८ गते अमेरिकाका लागि निस्किएका थिए  । मदनको शब नेपाल ल्याउन प्रयास भइरहेको बताएको छ ।