विद्युतको थ्रि फेज लाईन नहुँदा डिप बोरिङ अलपत्र (भिडियाे रिपाेर्टसहित)

सुर्खेत, १३ पौष ।
वीरेन्द्रनगर–१० सानो सुर्खेतमा रहेको समावेशी टोल विकास संस्थाको कार्यक्षेत्रमा खनिएको सार्वजनिक डिप बोरिङ सञ्चालनमा आउन सकेको छैन । विगत दुई बर्षदेखि डिप बोरिङ अलपत्र अवस्थामा पुगेको छ । कृषि विकास निर्देशनालयको अनुदान सहयोगमा आ.व. २०७८/०७९ को बार्षिक कार्यक्रमबाट खानेपानी तथा सिंचाईका लागि डिप बोरिङ खनिएको थियो ।

खनिएको डिप बोरिङमा ५ एचपीको थ्रि पेज मोटर जडान हुन सकेको छैन । विद्युत प्राधिकरण सुर्खेत वितरण केन्द्रले थ्रि फेज लाइन जडानमा आनाकानी गरेपछि खानेपानी तथा सिंचाईका लागि पानी उपयोग हुन सकेको छैन । समावेशी टोल विकास संस्थाको कार्यक्षेत्रका १३८ घरधुरी लाभान्वित हुनुका साथै व्यमौसमी तरकारी उपत्पादनका लागि सिंचाई सेवा उपलब्ध हुने जनाइएको छ ।

करिव ४० विगाह बढी क्षेत्रफल जग्गालाई सिंचाई सुविधा पुराउने उदेश्यले डिप बोरिङ खनिएको थियो । सिंचाई सुविधा नहुँदा तरकारी उत्पादनमा समस्या भएको छ । थ्रि फेज लगाईन जडानका लागि विद्युत प्राधिकरण सुर्खेतलाई पटक पटक आग्रह गर्दा समेत बेवास्ता गरिरहेको उपभोक्ता समितिका अध्यक्ष मान बहादुर खड्काले जानकारी दिए । टोल विकास समितिको निवेदन, निर्णयको प्रतिलिपि, वडा नं. १० र कृषि निर्देशनालयको सिफारिस सहित आवश्यक कागजत पत्र पेश गर्दा समेत कुनै सुनुवाई नभएको गुनासो छ ।

भिडियाे रिपाेर्टका लागि यहाँ क्लिक गर्नुहाेस :


 

 


Leave a Reply

Your email address will not be published.


ताजा समाचार