काठमाडौं १९ साउन ।
स्वास्थ्य तथा जनसंख्या मन्त्रालयले पछिल्लो २४ घण्टामा कोरोना भाइरसका ७ सय ६० जना नयाँ संक्रमित थपिएको जनाएको छ । यो अवधिमा ५ हजार ९ सय २६ को परीक्षण गरिएको थियो ।
ती मध्ये २५ सय ८९ जनाको पीसीआर गर्दा ४ सय ९४ तथा ३३ सय ३७ जनाको एन्टीजेन परीक्षण गर्दा २ सय ६६ जनामा संक्रमण पुष्टि भएको हो । यो अवधिमा एक जना संक्रमितको निधन भएको छ ।
पछिल्लो २४ घण्टामा ३ सय २४ जना संक्रमणमुक्त भएका छन् । यो अवधिमा ४७ हजार ३ सय ४१ जनाले कोरोनाविरुद्धको खोप लगाएका छन् । हाल नेपालमा सक्रिय संक्रमितको संख्या ५ हजार ६ सय २ रहेको छ ।
युग संवाददाता । । १९ श्रावण २०७९, बिहीबार १६:३२