पाकिस्तानका प्रधानमन्त्री इमरान खानले भारतले पाकिस्तानमाथि हवाई हमला गरे त्यसको जवाफ पनि उस्तै आक्रामक तरिकाले दिइने बताएका छन् ।
कतारको न्यूज च्यानल अल–जजिरालाई दिएको अन्तर्वार्तामा इमरान खानले यस्तो बोलेका हुन् ।
इमरान खानले भारत र पाकिस्तानबीच आणविक युद्धको सम्भावनालाई लिएर भने, यदि भारतले हवाई हमला गरे उसलाई फेब्रुअरी २०१९ मा दिइएको जस्तै आक्रामक जवाफ दिइनेछ। यदि भाजपाको फासीवादी सरकारले पहिले जस्तै यस्तो हमला गर्यो भने दुई आणविक शक्ति आमनेसामने हुनेछन् र परिणाम भयावह हुनेछ भन्ने डर छ, कट्टर मनले मात्र सोच्न सक्छ ।
पछिल्लो १० वर्षमा भारत र पाकिस्तानमा आणविक बमको संख्या दोब्बर पुगेको छ । पछिल्ला वर्षमा पाकिस्तानले भारतको तुलनामा धेरै आणविक बम उत्पादन गरेको छ ।
स्विडेनी संस्था स्टकहोम इन्टरनेशनल पीस रिसर्च इन्स्टिच्युटले विश्वमा हतियारको स्थिति र विश्वव्यापी सुरक्षाको विश्लेषण गरेर २०१९ को प्रतिवेदनमा यस्तो बताएको हो।
इन्स्टिच्युटको आणविक निशस्त्रीकरण, हतियार नियन्त्रण र अप्रसार कार्यक्रमका निर्देशक श्यानन काइलले विश्वमा आणविक हतियारको समग्र उत्पादनमा कमी आए पनि दक्षिण एसियामा बढ्दै गएको बताए।
२००९ मा पाकिस्तानसँग ६० आणविक बम थिए भने भारतसँग ६०(७० आणविक बम थिए।
काइलले पाकिस्तानसँग अहिले भारतभन्दा धेरै आणविक बम रहेको बताए। विभिन्न स्रोतबाट प्राप्त जानकारीका आधारमा भारतसँग अहिले १३० देखि १४० आणविक बम छन् भने पाकिस्तानसँग १५० देखि १६० आणविक बम छन् ।
काइलले अहिले भारत र पाकिस्तानबीचको तनाव चरम रहेको र यसले परमाणु बमको संख्या बढ्दै गएको बताएका छन् । शीतयुद्धका वेला अमेरिका र रूसबीच परमाणु हतियारको होडबाजी भए पनि भारत र पाकिस्तानबीच थिएन।
युग संवाददाता । । ४ पुष २०७८, आईतवार १४:१३