युरो कपमा आज समूह चरणका अन्तिम चार खेल हुँदै

एजेन्सी । युरो कप फुटबलमा आज समूह चरणका अन्तिम खेल हुँदै छन्। प्रतियोगिता अन्तर्गत आज राति लिग चरणका अन्तिम चार खेल हुन लागेका हुन् ।

आज राति पौने १० बजे हुने खेलमा स्पेन र स्लोभाकिया तथा स्वीडेन र पोल्याण्ड भिड्ने छन्। समूह ‘इ’का यी चार टोलीमा स्वीडेन चार अंकका साथ तालिकाको शीर्ष स्थानमा रहेको छ भने स्लोभाकिया ३ अंकसहित दोस्रो स्थानमा रहेको छ। यस्तै स्पेन २ अंकका साथ तेस्रो स्थानमा रहेको छ। पोल्याण्ड भने एक अंकका साथ तालिकाको पुछारमा छ ।

त्यस्तै ग्रुप अफ डेथ समूहका चार टोलीको भिडन्त पनि आजै हुँदै छ। समूह एफमा साविक विजेता पोर्चुगल र उपविजेता फ्रान्सबीचको खेल राति पौने एक बजे हुने छ। त्यस्तै त्यही समयमा जर्मनी र हंगेरीबीच प्रतिष्पर्धा हुनेछ।

यो समूहमा फ्रान्स चार अंकका साथ शीर्ष स्थानमा रहँदा जर्मनीको तीन अंक रहेको छ । उ तेस्रो स्थानमा रहँदा पोर्चुगल समान तीन अंकका साथ तेस्रो स्थानमा छ। त्यस्तै हंगेरी एक अंकसहित तालिकाको पुछारमा छ ।

गएराति भएको खेलमा इङ्ल्याण्ड र क्रोएसिया युरो कप फुटबलको नकआउट चरणमा प्रवेश गरेका छन्। समूह डि अन्तर्गत गएराति भएको खेलमा जित निकाल्दै इङ्ल्याण्ड समूह बिजेता र क्रोएसिया उपविजेताका रुपमा अन्तिम १६ मा पुगेका हुन् ।

तपाईको प्रतिक्रिया