काठमाडौं । आज युगकवि सिद्धिचरण श्रेष्ठको ११० औं जन्मजयन्ती हो । यही अवसर पारेर कवि श्रेष्ठको शब्द तथा स्वर सम्राट नारायण गोपालको स्वर रहेको गीत ‘मेरो प्यारो ओखलढुङ्गा’को भिडियो सार्वजनिक भएको छ ।

युगकवि सिद्धिचरण प्रतिष्ठानको निर्माण रहेको गीतको भिडियो दिनेश डिसीले निर्देशन गरेका हुन् । तीन बर्ष अगाडि निर्माण भएको यो भिडियो बल्ल अहिले सार्वजनिक गरिएको हो । भिडियोमा समीक्षा पोखरेल, महेश खड्का र दिनेश डिसी लगायतको अभिनय छ ।

भिडियोमा युगकवि सिद्धिचरणको बारेमा अध्यापन गर्न चाहने दुई विद्यार्थीको श्रेष्ठको जन्मस्थानसम्मको खोज मुलक यात्रा प्रस्तुत गरिएको छ ।