त्रिभुवन अन्तर्राष्ट्रिय विमानस्थललाई ट्रान्जिट बनाई तेस्रो मुलुक जान राेक

काठमाडौं : तेस्रो मुलुक जान नेपालस्थित त्रिभुवन अन्तरराष्ट्रिय विमानस्थललाई ट्रान्जिट बनाउन खोजेका विदेशी अब रोकिने भएका छन्‌ ।

अध्यागमन विभागले त्रिभुवन अन्तरराष्ट्रिय विमानस्थललाई ट्रान्जिटको रूपमा प्रयोग गरी अन्य मुलुक जानेलाई प्रतिबन्ध लगाएको हो । विभागका अनुसार वैशाख १५ गते राति १२ बजे यो रोक लाग्नेछ ।

छिमेकी मुलुक भारतलगायत देशबाट अन्य मुलुकमा साेझै उडान भर्न नपाउने भएपछि काठमाडाैंलाई ट्रान्जिट बनाएर जानेकाे संख्या पछिल्लाे दिन बढ्दै गएकाे थियाे ।

जसका कारण काठमाडाैंबाट हुने उडानलाई समेत अन्य मुलुकले शंकाकाे दृष्टिले हेर्न थालेका कारण यस्ताे प्रतिबन्ध लगाउन माग उठ्दै आएकाे थियाे ।


तर, विदेशबाट नेपाललाई अन्तिम गन्तव्यस्थल बनाई आगमन गर्न र नेपालबाट विदेश जान साविकबमोजिम नै नियमित रहने विभागले जानकारी दिएको छ ।

 


Leave a Reply

Your email address will not be published. Required fields are marked *


ताजा समाचार