सुर्खेत, ३० असोज ।

कोरोना भाइरसको संक्रमणबाट रुकुम पश्चिममा एक पुरुषको मृत्यु भएको छ । जिल्लाको चौरजहारी नगरपालिका १४ का ३३ वर्षिया पुरुषको शुक्रवार विहान ५ बजे मृत्यु भएको हो ।

नेपालगंज मेडिकल कलेज अस्पताल कोहलपुरका अनुसार उनको स्वास्थ्यमा समस्या आएपछि यही असोज २१ गते भर्ना गरी स्वाव संकलन गरी २२ गते रिपोर्ट पोजेटिभ आएको थियो । उपचारको क्रममा रोगको प्रकृति अनुसार गरिनुपर्ने सबै प्रकारका उपचार गर्दासमेत उनको मृत्यु भएको हो ।

मृतक पुरुषको बाँकेका प्रमुख जिल्ला अधिकारीको समन्वयमा शव व्यवस्थापन गरिदै छ ।