युट्युबमा हेर्नुहोस् पल, नाजिर र वर्षाको फिल्म ‘वीर विक्रम २’

काठमाडौं, ८ पुस ।

वर्षा शिवाकोटी, पल शाह र नाजिर हुसेनको शीर्ष भूमिका रहेको फिल्म ‘वीर विक्रम २’ युट्युब रिलिज गरिएको छ । हलमा प्रदर्शनका क्रममा दर्शकबाट सन्तोषजनक प्रतिक्रिया पाएको यो फिल्मलाई मिलन चाम्सले निर्देशन गरेका हुन् ।


फिल्ममा वीर र विक्रम दुई साथीको सम्बन्धलाई देखाइएको छ । यसअघि फिल्म ‘वीर विक्रम’ निर्माण भई प्रदर्शनमा आएको थियो । उक्त फिल्ममा दयाहाङ राई र अनुपविक्रम शाहीको शीर्ष भूमिका थियो ।

‘वीर विक्रम’ सफल भएपछि सोही नाम दिएर निर्देशक चाम्सले ‘वीर विक्रम २’ निर्माण गरेका थिए । तर, उक्त फिल्म भने आशा गरिएअनुरुप सफल हुन सकेन । फिल्ममा बुद्धि तामाङ, देशभक्त खनाल, विनिशा भण्डारी, मनोज केसी लगायतका कलाकारको अभिनय रहेको छ ।


यो फिल्मलाई प्रदीप भारद्वाजले लेखेका हुन् भने सुदीप बरालले खिचेका हुन् । यस्तै फिल्ममा हिमाल केसीको द्वन्द्व र बनिष शाहको सम्पादन छ ।

 


Leave a Reply

Your email address will not be published. Required fields are marked *


ताजा समाचार