१८ वर्षमा गरिएको पिच उम्कियो, धुलाम्मे सडकले स्थानीयलाई सास्ती

दुर्गा विसी ।

सल्यान, ५ मंसिर ।

सल्यान पश्चिम बनगाडमा सल्लिबजारदेखि रुकुम चौरजहारी सडक खण्डको ट्र्याक खोलिएको झण्डै १८ वर्ष वित्न सुरु भएको छ । उक्त सडकमा करोडौं रकम खर्चियो तर काम भन्ने शुन्य देखिन्छ । वर्षातमा हिलाम्मे सडक र सुख्खायाममा धुलोले नागरिकले सास्ती भोग्नु परेको छ । सल्यान सल्लिबजारदेखि रुकुम चौरजहारीसम्म उक्त सडक ४१ किलोमिटर दुरी रहेको छ । स्तरबृद्धि र सडक चौडाइका नाम वषर्नी करोडौं रकम खर्च भएको सडक डिभिजन दाङ कार्यालयको भनाइ छ ।

 ठाउँ ठाउँमा सडक भासिएको छ । सिङ्गल यातायातका साधन आवतजावतमा समेत कठिनाइ भएको छ । सल्यान पश्चिम र रुकुम पश्चिमका नागरिकका लागि प्रदेश राजधानी लगाएत देशका विभिन्न क्षेत्र आवतजावतको लागि निकै सजिलो सडकका रुपमा यसलाई लिने गरिएको छ । केन्द्रका नेकपा चरचित नेता जनार्दन शर्मा (प्रभाकर) र प्रकाश ज्वालाको जन्म स्थान रहेको यो क्षेत्रमा वषर्नी सामाजिक सञ्जालमा करोडौं रकमको योजना परेको पोष्ट भएको देखिन्छ ।तर सो बजेट कहाँ जान्छ यहाँका नागरिकले दुखेसो पोख्ने गरेका छन् ।


६ किलोमिटर सडकको पिचको काम समेत सन्तोष जनक तवरले अघि वढ्न सकेको छ ।४ वर्ष अघि सम्पन्न हुने सो काम हाल सम्म पनि जस्ताको तस्तै छ । थिग्मा जेभिका नरहरि थपलियाले कामको जिम्मेवारी दिएका ४ कम्पनीले समेत काम गर्न सकेका छैनन् । थोरै काम गर्ने काम छोडेर भाग्ने गरेका कारण काम लथालिङ्ग अवस्थामा रहेको छ ।सो काम हाल सडक डिभिजन कार्यलय रुकुम पश्चिम चौहरजारिले हेरेको छ ।डिभिजन प्रमुख नरेन्द्र भट्टका अनुसार अब भने काम रफ्तारमा वढ्ने दावि छ । सो सडक खण्ड आसपासका वस्ति सवारी आवगमन हुदा धुलाम्वे हुने गरेका छन् ।धुलोले आजित वनेका नागरिक भने यो सडक नेताहरुको चुनावमा ठगि खाने भाँडो भएको जनाउछन् ।

२ किलोमिटर पिच २ वर्ष अघि पिच भएको थियोे,त्यो पनि उप्किन सुरु भएको छ। हाल उक्त पिच पनि छेदविच्छेद अवस्थामा रहेको छ । सडक डिभिजन कार्यालयको व्यवास्था र ठेकेदारको चरम लापरबाहीका कारण धुलाम्मे सडकले सास्ती खेपिरहेका नागरिक जनप्रतिनिधि र नेतालाई सराप्ने गरेका छन् । गाडि गुडे अत्यधिक धुलोले वस्ति आसपास र सडकमा हिडिरहेका नागरिक भागाभाग गर्नुपर्ने अवस्था रहेको छ ।


Leave a Reply

Your email address will not be published. Required fields are marked *


ताजा समाचार