कोरोनाबाट एकै दिन २१ जनाको मृत्यु, नेपालमा मृत्तक संख्या ७१५ पुग्यो

काठमाडौं, ३० असोज ।

कोरोना भाइरस संक्रमणबाट पछिल्लो २४ घण्टामा थप २१ जनाको ज्यान गएको छ ।

स्वास्थ्य तथा जनसंख्या मन्त्रालयले शुक्रबार आयोजना गरेको पत्रकार सम्मेलनमा पछिल्लो २४ घण्टामा विभिन्न जिल्लामा गरी २१ जनाको मृत्यु भएको जानकारी दिइएको हो । योसँगै नेपालमा मृत्यु हुनेको संख्या ७१५ पुगेको छ । २४ घण्टाको अपडेटमा बिहीबार १९ जनाको मृत्यु भएको थियो ।


पछिल्लो २४ घण्टामा काठमाडौं उपत्यकामा दुई हजार ४०२ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा एक हजार ७८४, भक्तपुरमा २४४ र ललितपुरमा ३७४ कोरोना संक्रमित थपिएका हुन् । नेपालमा पछिल्लो २४ घण्टामा थपिएका चार हजार ३९२ संक्रमितमध्ये काठमाडौं उपत्यकाका दुई हजार ४०२ जना हुन् ।

पछिल्लो २४ घण्टामा १६ हजार पाँच सय ३१ जनाको नमुना परीक्षण गरिएको मन्त्रालयले जनाएको छ । त्यस्तै गएको २४ घण्टामा तीन हजार पाँच सय २२ जना निको भएर फर्किएसँगै डिस्चार्ज हुनेको सङ्ख्या ८८ हजार ४० पुगेको छ ।

अब नेपालमा ३७ हजार तीन सय ४२ जना सक्रिय सङ्क्रमित आइसोलेशनमा रहेका छन् । यस्तै चार हजार आठ सय आठ जना क्वारेन्टिनमा रहेको मन्त्रालयले जनाएको छ ।


Leave a Reply

Your email address will not be published. Required fields are marked *


ताजा समाचार