दैलेख, २५ साउन ।
आठबीस नगरपालिका–६ सिंगासैन गाउँस्थित आफ्नै घरमा सुतिरहेको बेला प्रहरीले विप्लव नेतृत्वको नेकपाका एक जिल्ला कमिटीका सदस्य उदयराम बिश्वकर्मा ‘सुदर्शन’ले आइतवार विहान पक्राउ गरेको छ । उहाँलाई पक्राउ गरिएको सोधपुछ तथा अनुसन्धान भइरहेको जिल्ला प्रहरी कार्यालय दैलेखका इञ्चार्ज डीएसपी हरिबहादुर ओलीले बताउनुभयो ।

विप्लव नेतृत्वको नेकपाका जिल्ला इञ्चार्ज ‘दिपेन्द्र’ले घटनाको विषयमा एक प्रेस विज्ञप्ती जारी गर्दैै कोरोनाको महामारी र बाढी पहिरो जस्तो विपद पीडित नागरिकको सहयोगमा जुटेको बेला ‘सुदर्शन’को पक्राउीको निन्दा गर्नुभएको छ । नेकपाका जिल्ला इञ्चार्ज ‘दिपेन्द्र’ले अखिल क्रान्तिकारीको जिल्ला अध्यक्ष समेत रहेका पार्टी जिल्ला कमिटी सदस्य उदयराम बिश्वकर्मा ‘सुदर्शन’को बिना सर्त रिहाईको लागि पहल गरी दिन मानव अधिकारवादी, पत्रकार र नागरिक समाजसंग आग्रह गर्नुभएको छ ।