सुर्खेत, २६ असार ।

जाजरकोटको बारेकोट गाउँपालिका वडा नं ४ को बोहोरा गाउँमा बिहीवार राति गएको पहिरोमा परी मृत्यु हुनेको संख्या ३ पुगेको छ । ९ जना अझैबेपत्ता भएका छन् ।

बोहोरा गाउँमा बस्दै आइरहेका ६ जना सार्की परिवारको घरलाई पहिरोले पुरेको प्रदेश सभा सदस्य कृष्णा शाहले बताइन् । उनका अनुसार हालसम्म ३ जनाको शव फेला परेको छ । ९ जना बेपत्ता छन् । अहिले जिल्ला प्रहरी कार्यालय जाजरकोटबाट प्रहरी घटनास्थलतर्फ गइरहेको छ । इलाका प्रहरी कार्यालय, स्थानीयहरुको सहयोगमा अहिले उद्धार कार्य जारी छ ।