बनगाड कुपिण्डेमा स्यानी पिप्ली मेला नलाग्ने

दुर्गा बिसी
सल्यान, २ जेष्ठ ।
सल्यानको बनगाड कुपिण्डे नगरपालिका नगरपालिका वडा नम्बर १ को स्यानीपिप्लीमा आज शुक्रबार लाग्ने भनिएको स्यानीपिप्ली मेला स्थगित भएको छ । कोरोना भाइरसको रोकथाम तथा नियन्त्रणका लागी सरकारले जारी गरेको लकडाउन र यसबाट बच्नको लागी भिडभाडमा नजाने उत्तम उपाय भएकाले समेत यस बर्षको मेला नलाग्ने भएको हो ।


हरेक बर्ष कृष्णनवमीका दिन लाग्ने यस मेला विशेष गरि छेलो हान्ने मेलाका रुपमा परिचित छ । वढ्दै गएको कोरोना महामारीले विकराल रुप लिनसक्ने सम्भावनालाई मध्यनजर गर्दै यस बर्ष भने मेला नलाग्ने भएको हो । बनगाड कुपिण्डे नगरपालिकाले सुचना जारि गर्दै मेला नलाग्ने जनाएको छ । पछिल्लो समय स्यानीपिप्ली मेला छेलो हान्ने र विजेतालाई विशेष पुरस्कारको व्यवस्था समेत गरिएको हुन्थ्यो । छेलो हान्न कै लागि टाढा–टाढाबाट मानिसहरु मेला हेर्न आउने गर्दथेँ ।



Leave a Reply

Your email address will not be published. Required fields are marked *


ताजा समाचार