ताजा खबर
  

यौन सम्पर्क गर्दा कोरोना भाइरस सर्छ ?

एजेन्सी
के यौन सम्पर्कका कारण कोरोना भाइरस कोभिड–१९ सङ्क्रमण सर्न सक्छ ? यसबारे तपाईँले सोच्नुभएको होला तर संकोच लागेर प्रश्न नगर्नुभएको पनि हुन सक्छ । यस विषयमा सही र गलत कुरा छुट्यावन बीबीसी रेडियो वनको न्यूजबीटले यो प्रश्न विज्ञहरूलाई राखेको छ। डा. एलेक्स जर्ज चिकित्सक हुन् भने यौन विषयमा पत्रकारिता गर्ने एलिक्स फक्स बीबीसी रेडियोकी पूर्वप्रस्तोता हुन् ।

के कोरोना भाइरस महामारीको समयमा यौन सम्पर्क सुरक्षित राख्नु सुरक्षित हुन्छ ?
डा. एलेक्स जर्ज ः यदि तपाईँ सम्बन्धमा हुनुहुन्छ र त्यो मानिससँगै बस्नुहुन्छ र एउटै वातावरणमा रहनुहुन्छ भने तपाईँले यौन व्यवहारमा परिवर्तन गर्नुपर्दैन। तर यदि तपाईँहरूमध्ये एक जनामा कोरोनाभाइरसको लक्षण देखिएको छ भने तपाईँले घरमै पनि एकान्तवासमा बस्नुपर्छ । सबैभन्दा राम्रो त घरभित्रै पनि सबै जना एकअर्काबाट दुई मिटरको दूरीमा बस्नुपर्छ तर त्यो सधैँ सम्भव नहुन सक्छ ।

एलिक्स फक्स ः आफूलाई लक्षण देखिँदा आफ्नो सहवासीलाई पनि देखिन्छ भनेर सोच्नु हुँदैन । यदि तपाईँलाई लक्षण देखिएको छ भने टाढा रहनु नै उचित हुन्छ ।

नयाँ मानिससँग यौन सम्पर्क राख्नु हुन्छ ?
डा. एलेक्स जर्ज ः म यो अवस्थामा नयाँ मानिससँग यौन सम्पर्क राख्ने सल्लाह दिन्नँ। किनभने त्यसो गर्दा कोरोनाभाइरस सर्न सक्ने सम्भावना हुन्छ ।


एलिक्स फक्स ः के नबिर्सिनुहोस् भने कोरोनाभाइरस भएका केही मानिसहरूमा लक्षण देखिएको हुँदैन। त्यसैले तपाईँ एकदमै ठिक देखिनुभएको छ भने पनि तपाईँबाट अरूमा चुम्बनबाट पनि भाइरस सर्न सक्छ ।

पहिले मैले कन्डम प्रयोग गरेको थिइनँ । के अब गर्नुपर्ला ?
एलिक्स फक्स ः यसको उत्तर तपाईँ किन पहिले कन्डम लगाउनु हुन्नथ्यो भन्ने कुरामा निर्भर हुन्छ ।

यदि तपाईँहरू दुवै जनालाई कुनै यौन रोग नभएको वा गर्भाधान नहोस् बनेर अन्य उपाय अवलम्बन गरिएकाले कन्डम प्रयोग नगरेको भए केही फरक पर्दैन । तर यदि तपाईँ अन्य प्राकृतिक उपाय ः जस्तो वीर्य स्खलन गर्ने वा एकअर्कालाई यौन रोग छैन भन्ने विश्वासमा कन्डम नलगाउनुभएको हो भने अब कन्डम लगाउनु नै उचित होला ।

के यौनाङ्ग छोएका कारण कोरोना भाइरस सर्छ ?
डा. एलेक्स जर्ज ः यदि तपाईँ एकअर्काको यौनाङ्ग छुनुहुन्छ भने त्यो समयमा तपाईँहरूले चुम्बन गर्ने सम्भावना ज्यादा हुन्छ र हामीलाई थाहा छ भाइरस थुकबाट सर्छ ।
मुखबाट हातमा, हातबाट यौनाङ्गमा, यौनाङ्गबाट हातमा र त्यसपछि हातबाट नाकमुखमा भाइरस सर्न सक्छ । अहिलेको अवस्थामा भाइरस सर्न सक्ने सबै खाले कुराहरू नगर्नु नै उचित हुन्छ । त्यसैले तपाईँसँगै नबसेका साथीसँग यो पनि नगर्नु नै उचित हुन्छ ।


Leave a Reply

Your email address will not be published. Required fields are marked *


ताजा समाचार