अब राजनीतिलाई उत्पादनमा जोडनुपर्छ : कमानबहादुर खड्का

बाँकेको वनकटवामा जन्मिएका कमानबहादुर खड्काले कर्मथलो जाजरकोटलाई बनाए । समाज सेवामा रुची राख्ने खड्का झण्डै दुई दशक राजनीतिमा विताइ सकेका छन् । माध्यमिक तहमा पढ्दै गर्दा राजनीतिमा होमिएका खड्का हाल नेपाल कम्युनिष्ट पार्टी (नेकपा) जिल्ला कमिटी जाजरकोटको सचिवालय सदस्य छन् । लामो समयसम्म उद्योग बाणिज्य संघ जाजरकोटको अध्यक्ष पदमा रहेर काम गरिसकेका खड्कासँग आजको जम्काभेट ।
कमानबहादुर खड्का
नेता, नेकपा जाजरकोट

बाल्यकाल

बाँके जिल्लामा जन्मिए पनि मेरो संघर्षको थलो भनेको जाजरकोट हो । जन्मेको तीन महिना हुँदा बुवाआमाले मलाई जाजरकोट ल्याउनु भएछ । जाजरकोटको खलंगामा रहेको शंकर भवन माध्यमिक विद्यालय बाहुनथानामा कक्षा पाँचसम्म पढेँ ।

कक्षा ६ देखी १२ सम्म खलंगाको त्रिभुवन उच्च माध्यमिक विद्यालयमा पढेँ । प्लसटू सम्मको पढाइ पूरा गरेपछि पूर्णरुपमा राजनीतिमा होमिएँ ।

१६ वर्षमै राजनीतिमा लागेँ

सामाजिक काममा बढी रुची थियो । कक्षा ९ मा पढ्ने बेलामै राजनीतिको बाल मस्तिष्कमा पसिसकेको थियो । २०४६ सालको परिवर्तनपछि २०४८ सालमा राष्ट्रिय जनमोर्चा पार्टीको विद्यार्थी संगठन अखिल नेपाल स्वतन्त्र विद्यार्थी युनियनको विद्यालय कमिटीको सदस्य भएँ ।

२०५२ सालमा तत्कालिन नेपाल कम्युनिष्ट पार्टीले सशस्त्र युद्धको घोषणा गरेपछि तीन वर्ष राजनीतिबाट विश्राम लिएँ । २०५३ सालमा जनमोर्चा छाडेर राष्ट्रिय प्रजातन्त्र पार्टी निकट विद्यार्थी संठगनबाट राजनीतिलाई निरन्तरता दिएँ । २०५५ सालमा खलंगा गाविसको उपाध्यक्ष पदमा निर्वाचित भएँ । २०६३ सालमा राप्रपाको जिल्ला सहसचिव भएँ । राष्ट्रिय प्रजातन्त्र पार्टीको जाजरकोट अध्यक्ष भएर पनि काम गरेँ ।

नेकपामा प्रवेश

जनमोर्चाबाट राजनीति शुरु गरेको खड्का झण्डै दुइ दशक राप्रपामा आवद्ध भए । तत्कालिन नेकपा एमालेमा राप्रपाका सहमहामन्त्री गोविन्दविक्रम शाह सहितको नेतृत्वमा खड्कासहितको टोली सालमा समाहित भयो ।

२०७२ सालमा तत्कालिन नेकपा एमालेको जिल्ला कमिटी सचिवालय सदस्य तथा आर्थिक विभागमा प्रमुख भएर काम गरे । हाल उनी नेकपाको जाजरकोटको जिल्ला कमिटी सचिवालय सदस्य तथा उद्योग बाणिज्य विभाग प्रमुख छन् ।

सामाजिक क्षेत्रमा योगदान

२०५७ सालमा शंकरभवन माविको व्यवस्थापन समितिको अध्यक्ष भएका खड्का २०६२ सालमा त्रिभुवन उच्च माविको सञ्चालक समितिको सदस्य भए । २०६५ सालदेखी ९ वर्ष उद्योग बाणिज्य संघ जाजरकोटको अध्यक्ष भए ।

निर्माण व्यवसायी संघको सल्लाहकार रहेका खड्का भेरी ज्ञानोदय क्याम्पसको सञ्चालक समितिका सदस्य छन् । तीन वर्ष जाजरकोट अस्पताल विकास समितिको सदस्य भएका खड्काले जाजरकोटका व्यवसायीको हितमा राम्रो काम गरेको दावी गर्छन् ।


‘द्वन्द्वले शिथिल बनेको जाजरकोटको व्यवासयलाई सही गतिमा बढाउन ठूलो योगदान गरेको छु’ खड्का भन्छन्, ‘सडकको सहज पहूच नहुँदा २०६५ साल अघि जाजरकोट सदरमुकामको व्यवसायले गति लिएको थिएन ।

व्यवसायबारे जानकार नहुँदा कयौं व्यापारिहरु पलायन भइसक्नु भएको थियो । अध्यक्ष भएपछि कर तथा व्यापार सम्बन्धीका समस्या पहिचान गरेर व्यवसाय गर्नमा अग्रसर गराएँ ।’ संघमा रहँदा आयातमुखी बस्तुभन्दा जिल्लाकै कृषि उत्पादनलाई व्यवसायीकरण गर्न पहल थाल्यौं ।  जाजरकोटमा रहेका पर्यटकीय गन्तव्य बनाउन भएका गन्तव्यको प्रचारप्रसार र नयाँ गन्तव्यको खोजी ग¥यौं ।

महामारी, प्रकोपबाट प्रभावितलाई राहत वितरण ग¥यौं । सडक मर्मत, सरसफाई जस्ता विविध अभियानहरु आफू अध्यक्षहुँदा सञ्चालन गरे । २०६५ सालमा बन्द भएको साङटरी साल जलविद्युत आयोजनालाई २०६७ सालमा नियमित सुचारु गरे । विद्यालय भवन निर्माण र स्वास्थ्य चौकी स्थापना समेत गरेको खड्का बताउँछन् ।

पारिवारिक सहयोग

२०३७ सालमा तत्कालिन गाविस खलंगा–५ को वडाध्यक्ष भएका बुवाको प्रेरणाले राजनीतिमा होमिएको खड्का बताउँछन् । २०४९ सालदेखी फेन्सी व्यवसाय शुरु गरेका खड्काले उनका श्रीमति र बुहारीले व्यवसाय सम्हालेका छन् ।

‘छोरा र भाइले ठेक्कापट्टा जिम्मेवारी लिएपछि राजनीतिमा लाग्न सहज भएको छ’ खड्काले भने, ‘पूर्णकालिन रुपमा म राजनीतिमा होमिएको छु, परिवारको साथ र समर्थनले राजनीतिमा होमिन थप प्रेरणा मिलेको छ ।’

निष्ठाको राजनीति जरुरी

सम्पत्ति जोड्का लागि राजनीति गर्ने हैन । जनताका लागि काम नगर्दासम्म राजनीतिमा लाग्नुमा कुनै तुक छैन । अहिले कहीँ कतै सुनिन्छ, फन्दा परेको देखिन्छ नि राजनीतिभन्दा सम्पत्ती जोड्नकै लागि काम गरेका कयौं उदाहरण हामी समक्ष छन् ।

राजनीतिमा लागेपछि जनताले हामीलाई विश्वास गरेका हुन्छन् । उनीहरुको विश्वासलाई सधैँ कायम राख्न निष्ठाको राजनीति आवश्यक छ । उत्पादनमा जोड्ने खालका नीति कार्यक्रम अत्यावश्यक छ भने राजनीतिमा लाग्ने हामीले पनि उत्पादनमुखी काम गरेर पूर्णकालिन राजनीतिमा होमिन जरुरी छ ।


3 thoughts on “अब राजनीतिलाई उत्पादनमा जोडनुपर्छ : कमानबहादुर खड्का

  1. Hey there 🙂

    Your wordpress site is very sleek – hope you
    don’t mind me asking what theme you’re using?
    (and don’t mind if I steal it? :P)

    I just launched my site –also built in wordpress like yours– but the theme slows (!) the site down quite a bit.

    In case you have a minute, you can find it by searching for “royal cbd” on Google (would appreciate any feedback)
    – it’s still in the works.

    Keep up the good work– and hope you all take care of yourself during the coronavirus
    scare!

  2. Hi to every one, the contents present at this web page are genuinely amazing for
    people experience, well, keep up the good work fellows.

Leave a Reply

Your email address will not be published. Required fields are marked *


ताजा समाचार